Къаст этемен

Къаст этемен оьмюрюмню
Абур, сыйлы йиберме.
Къаст этемен оьлгюнчеге
Тюз ёллардан юрюме.

Байлыкъда тилемесмен,
Тобукъгъада тюшмермен.
Аллах берген йылларымны,
Шат болуп йиберермен.

Халкъыбыз тюзлюк сюе,
Тек тюзлюкде юрюлмей.
Гьар ким башын чайкъап къоя,
Тюзлюкге сёз тийгенде.

Къаст этигиз, халкъым мени
Берекетли болмагъа.
Яхшылыкъны шу дуньяда,
Тохтамай яйып турма.